İşə gedərkən qulaq asdığınız sevimli FM radio yayımları artıq süni intellektə aid ola bilər. Belə ki Futuri Media dünyanın ilk süni intellektə əsaslanan "lokallaşdırılmış" radio stansiyası olan RadioGPT-ni elan etdi. Futuri Media tərəfindən hazırlanmış RadioGPT, OpenAI tərəfindən təklif olunan ChatGPT-də olan GPT-3 modeli əsasında qurulub. Eyni zamanda, bu model hekayə kəşfi və sosial media məzmununun skanını həyata keçirən TopicPulse ilə birləşdirilib. Nəticədə, olduğu ərazidə hansı mövzuların trend olduğunu müəyyən edir və süni intellektli DJ sizə məzmunu təqdim edir.

Məlumata görə, RadioGPT mövzuları müəyyən etmək üçün Facebook, Twitter, Instagram və 250.000-dən çox xəbər saytını skan edir. Əldə edilən məlumatlar süni intellektin səsi ilə sizə ötürülür. Bu sayədə xəbərləri, reklamları, yol hərəkəti haqqında yenilikləri, hava durumu ilə bağlı məlumatları süni intellekt vasitəsilə eşidirsiniz.